К летописной повести «Куликовская битва» . Благословение

«…Поострю, яко млънию, мечь мой, и приимеет суд рука моа, въздамь месть
врагомъ и ненавидящим мя въздамь, и упою стрелы моа от крови их, да не ркут невернии кто есть богъ их? Отврати, Господи, лице свое от них и покажи им, Господи, вся злаа напоследокъ, яко род развращаемь есть,
и несть веры в них твоеа, Господи! И пролии на них гневъ твой, Господи,
на языки, незнающаа тебе, Господи, и имени твоего святаго не призвашя!
Кто богъ велей яко Богъ нашь! Ты еси Богъ, творяй чюдеса единъ».
И кончав молитву, иде к Пречистей и къ епископу Герасиму и рече ему:
«Благослови мя, отче, поити противу окааннаго сего сыроядца Мамаа, и
нечьстиваго Ягайла, и отступника нашего Олга, отступившаго от света въ тму».
И святитель Герасим благословилъ князя и воя его вся поити
противу нечьстивых агарянъ…

О побоище иже на Дону и о томь, что князь Великий бился съ ордою.
Летописная повесть